Алладан аяқ тартқан бауырларым,
Бес парызды бекемдеп әуелей бер.
Байланыссаң ұшпаққа шығармайды,
Құдайға қарсы келген сәуегейлер.

Дiнiңнiң жақтаушысы, қорғаны ғой,
Салихалы ғалымдар, жақсыларың.
Алдап жұртты қаншама қорлады ғой,
Көбейiп палшы, балгер, бақсыларың.

Бұл күнде дiндi ұқпаған содырлардан,
Елiме төнетұғын қауiптер көп,
Ел-жұртымды мазалап ойран салған,
Сенiмi жоқ Құдайсыз тәуiптер көп,

Ақындарың атаққа мас боп жүрсе,
Берiлетiн оларға сый құр шығар.
Жаныңды тозақ жаққа жетелейдi,
Жындармен жолдас болған сиқыршылар.

Құранда барлығының дауасы бар,
Қасармай бұл сөзiме сеншi менiң.
Қарапайым халықты алдап жүрген,
Көп екен адасушы емшiлерiм.

Құдай салған тыйымды бетке айтамын,
Жасырып оны маған керегi не.
Өтiрiк айтып нақ солар көлгiрсидi,
Мұқтаждықтан тиынмен тебенiңе.

Ұйқтап жатқан санамызды тұрғызып,
Көз салайық Хақ дiнiннiң дерегiне.
Қыбылаға мойындарды бұрғызып,
Жүректердiң бойлайық тереңiне.

Авторы: Төлебек Амалхан